منتدى بنات مسلمات بجد ونفسهم يوصلوا للناس ان التدين نهر السعادة


    كلنا بنحب رمضان

    شاطر
    avatar
    brave_heart

    المساهمات : 146
    تاريخ التسجيل : 12/07/2009
    العمر : 21
    الموقع : قاعدة ع المنتدى

    كلنا بنحب رمضان

    مُساهمة  brave_heart في الجمعة أغسطس 07, 2009 8:07 am

    سلام عليكم يا بنات ...طبعا كلنا عارفين اننا دلوقتى ف شهر شعبان اللى قبل رمضان...اكيد يعنى ايه الذكاء ده .مش محتاجة فقاقة
    فى مننا بنات بتستعد لرمضان كويس و مستنياه بفارغ الصبر...
    و فى مننا اللى فكسانة اخر
    حاجة و مش ف دماغها اساسا..

    المهم....ايه رأيكوا يا بنات نتفق نستعد لرمضان مع بعض؟!....يا سلام كنت متأكدة انكو مش هتمانعو..ههههههه....يعنى مثلا نحاول نحافظ على الورد القرأنى كل يوم..ان شاالله حتى صفحة واحدة كل يوم بس اهم حاجة ماننشغلش عنه بأى حاجةو نحافظ على القراية كل يوم
    ويعنى لو مايضايقكوش نحاول نحافظ على السنن بعد الصلوات....يعنى ...اهو الواحد بيدور على اى حاجة تضيعله ذنوبه
    ......
    وعلى فكرة كان فى حاجة مهمة جدا كنت عايزة اتكلم فيها....وهى المسلسلات ف رمضاناكيد طبعا كل واحدة معندهاش اقل من تلات اربع مسلسلات ناوية تتابعهم ف رمضان
    و طبعا كل قناه ع الاقل ع الاقل عندها مثلا عشر مسلسلات هيتعرضوا ده غير طبعا القنوات المتخصصة زى الحياه مسلسلات و بانوراما دراما اللى هى اصلا أم المسلسلات ف التليفزيون

    وانا بقولكو من دلوقت ...هتستفيدو ايه؟...تسلو صيامكو؟!
    يعنى هو مفيش اى طريقة تسلو بيها صيامكو غير المسلسلات؟ ده حتى كده صيامكو يضيع
    انا كنت واحدة من اللى بيتابعو مسلسلات ف رمضان ..يعنى بجد والله كنت من اول الساعة 5 لحد الساعة 10 مسلسلات متواصلة و لما تيجى اعلانات اقلب على مسلسل تانى وده طبعا كان بيأثر على مذاكرتى...هتقولولى رمضان جاى السنة دى ف الاجازة و هنهيص...هقولكو ده كده احسن ..عشان نتفرغ لعبادة ربنا......... يعنى والله بجد انا فقت م اللى انا كنت فيه بقيت اقول لنفسى
    يعنى لللدرجة دى احنا بنستنى رمضان عشان نتفرج ع المسلسلات؟!
    هو احنا ربنا انعم علينا برمضان عشان المسلسلات و الافلام و البرامج؟
    يا جماعة والله رمصضان ده نعمة كبيرة من عند ربنا احنا مش حاسين بيها .......
    ربنا انعم علينا برمضان عشان ننتهز الفرصة و نتقربله اكتر و نستغفرله عن ذنوبنا اكتر
    و نحاول نبقى بنى ادمين تانيين ...نحاول نبدأ صفحة جديدة مع ربنا وننسى كل اللى فات وبجد نبقى من عباد الله الصالحين .......


    و على فكرة
    ...ماتقولوليش المسلسلات بتشدنا...يا جماعة و الله انا بحلفلكو حلفان هتحاسب عليه ....المسلسلات دى اكتر من معظمها بتتعاد تانى بعد رمضان على قنوات تانية
    ليه نضيع صيامنا عشان خاطر مسلسل لا راح ولا جه نتفرج عليه
    يعنى للدرجة دى احنا ضعاف الشخصية؟
    مش قادرين نمسك نفسنا عن المسلسلات شهر واحد بس؟!

    واللى هيساعدنا على كده علاقتنا بربنا
    يعنى لو احنا متقربين اوى لربنا لوحدنا كده مش هيبقى لينا مزاج نشوف مسلسل حتى...لأننا مش هنبقى عايزين نعمل حاجة نغضب ربنا و دى هتبقى حاجة كده من عند ربنا
    انا ياجماعة مش عايزة اطول عليكو بس والله بجد انا نفسى كلنا نتفق اتفاق اننا منعملش حاجة تغضب ربنا ف رمضان وباذن الله بعد رمضان
    ويارت اللى ليها رأى تانى تقوله انا والله نفسى يبقى فيه مشاركة بيننا و بين بعض




    best wishes: BRAVE_HEART
    avatar
    عاشقة HAMSA TEAM

    المساهمات : 134
    تاريخ التسجيل : 12/07/2009
    العمر : 22
    الموقع : قدام الكمبيوتر

    رد: كلنا بنحب رمضان

    مُساهمة  عاشقة HAMSA TEAM في الإثنين أغسطس 10, 2009 1:27 pm

    مشكووووووووووووووووووورة يازينب
    الموضوع فعلا رائع
    وشكلك تعبتى فيه اوى
    واكتر حاجة عجبتنى فيه
    انك اتكلمتى من قلبك
    avatar
    brave_heart

    المساهمات : 146
    تاريخ التسجيل : 12/07/2009
    العمر : 21
    الموقع : قاعدة ع المنتدى

    رد: كلنا بنحب رمضان

    مُساهمة  brave_heart في الثلاثاء أغسطس 11, 2009 2:17 pm

    ميرسيه يا ريرى
    بس فعلا مكانش ينفع مانتكلمش ف الموضوع ده
    و ربنا يصلح حال الجميع
    avatar
    دمعة غدير

    المساهمات : 96
    تاريخ التسجيل : 14/07/2009
    العمر : 21
    الموقع : ع الكرسى

    رد: كلنا بنحب رمضان

    مُساهمة  دمعة غدير في السبت أغسطس 15, 2009 4:59 am


    الحمد لله بابا شال التليفزيون يعنى كدة كدة مفيش مسلسلات
    كدة احسن والله وميرسى عالموضوع الروعة دة يا قمر وعلى
    فكرة يا بنات المسلسلات دى كلها بتتعاد بعد رمضان


      الوقت/التاريخ الآن هو السبت سبتمبر 23, 2017 5:27 pm