فارسات الاسلام

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى بنات مسلمات بجد ونفسهم يوصلوا للناس ان التدين نهر السعادة


3 مشترك

    تابت بسبب صرصار

    عاشقة HAMSA TEAM
    عاشقة HAMSA TEAM


    المساهمات : 134
    تاريخ التسجيل : 12/07/2009
    العمر : 28
    الموقع : قدام الكمبيوتر

    تابت بسبب صرصار Empty تابت بسبب صرصار

    مُساهمة  عاشقة HAMSA TEAM الإثنين أغسطس 10, 2009 1:21 pm

    البنت دى كان صرصار السبب فى توبتها
    القصة دى اول ما قراتها قلت لازم اجيبهالكوا يا رب تعبكوا



    كانت قاعدة فى غرتها بعد صلاة العشاء بتمارس هوايتها المفضلة


    كانت مش في الدنيا وهى سمعاه بيغنى


    وهو مغنيها المفضل


    كانت حاطة السماعات فى ودانها ومكبرة خالص لمامتها اللى بتنادى:


    استعيذي بالله من الشيطان واختمى يومك بركعتين بدل الاغانى دى


    ردت بكل تفكيس:


    ماشي...ماشي


    فرشت الام المصلية وبدات مشوارها اليومى فى قيام الليل


    خلصت الاغنية وراحت تنام


    قعدت عشان تستعد للنوم طبعا ماهو لازم يكون اخر صوت تسمعه


    هو صوت مغنيها المفضل


    فكت شعرها وشالت السماعات


    بصت للشباك لقته مفتوح


    وهى قايمة تقفل الشباك شافت حاجة زى السهم جاية نحيتها


    وبدقة عجيبة اصابت الهدف جت بالضبط فى طبلة ودانها


    صرخت بصوت عالى جدا من الالم


    وفى خشخة فى ودانها


    جت مامتها بسرعة مخضوضة:مالك يا بنتى


    وبسرعة البرق الى الاسعاف


    الدكتور فحص ودانها ونادى الممرضات


    وهى بتموت من الالم لقت الدكتور بيضحك هو والممرضات


    طبعا قالت في نفسها ايه المتخلفين دول؟!!!


    ازاي يضحكوا وانا باموت من الالم؟


    الدكتور قال لها ان فى صرصار بيطير دخل فى ودانها


    قال لها:متخافيش هيطلع بسهولة بس لازم الطبيب المختص


    تعالى الساعة سبعة الصبح


    قالت:ازاى هارجع بكرة والحشرة عمالة تخشخش فى ودانى عايزة تطلع؟؟؟؟


    والالم بيزيد لحظة بلحظة


    الدكتور قال انه ممكن اساعدك بحاجة واحدة


    وهى ان هو يخدر الحشرة لحد الصبح عشان متتحركش


    حط للصرصار المخدر وهنا دوره انتهى


    رجعت البيت زى المجنونة من كتر الالم


    وعدت اليلة دى اكنها قرن


    واول ما صلاة الفجر خلصت جريت هى ومامتها على المستشفى


    الدكتور فحصها بس طلغ ظن الدكتور المناوب غلط


    مش سهل ابدا ان الصرصار يطلع


    حط منديل وجاب الملقاط ودخله فى ودانها وطلع بس ديل الحشرة


    عمل نفس الحكاية طلع البطن.....وبعدين الصدر.....وبعدين الراس


    يا تري كدة الحشرة كلها طلعت؟؟؟؟


    كانت لسة بتتالم بشدة!!!


    الدكتور فحصها تانى


    يا الله الحشرة غرست نابها في طبلة الاذن!!!!!!!


    مستحيل تخرج مغروسة جامد جدا


    حط الدكتور قطنة مغموسة فى مادة معقمة


    وقال:تعالى بعد خمس ايام ممكن الانياب تتحلل بعد ما تنقطع الحياة عنها


    في الجمس ايام بدات حاسة السمع تضعف تدريجيا


    لدرجة انها كانت بتشوف الشفايف بتتحرك ومش عارفة ايه اللى بيتقال ولا ايه اللى بيحصل


    كانت هتجنن من اللى بيحصل


    راحت للدكتور فى المعاد المحدد حاول الدكتور تانى بس للاسف......


    معرفش يعمل حاجة


    عمل نفس الحكاية بتاعة المرة اللى فاتت


    قطنة مغموسة بمادة معقمة


    وتعالى بعد خمس ايام


    حست بالندم والقهر وبدات تبكى وهى بتشوف كل اللى حواليها


    بيكلموا ويهزروا وهى مش فاهمة حاجة ومش عارفة تتكلم معاهم


    رجعت للدكتور بعد خمس ايام


    برضه........مفيش فايدة


    وقال انه لازم يتعمل عملية جراحية عشان يخرجوا الانياب


    اترعبت وطلبت من الدكتور كمان خمس ايام


    وبعد خمس ايام


    ربنا من عليها والدكتور عرف يسحبها بدون اي تدخل جراحى


    وبدا سمعها يرجع بالتدريج


    ساعتها بس...


    عرفت ان كل اللى حصل دة


    كان ضربة عشان تصحيها من الغفلة اللى هى كانت فيها



    ربنا ادانا نعمة السمع يا ريت منستغلهاش غلط لو عايزين نحافظ عليها
    قلبى يتمنى الثبات
    قلبى يتمنى الثبات
    Admin


    المساهمات : 210
    تاريخ التسجيل : 09/07/2009
    العمر : 28
    الموقع : فى بيتى

    تابت بسبب صرصار Empty رد: تابت بسبب صرصار

    مُساهمة  قلبى يتمنى الثبات الإثنين أغسطس 10, 2009 9:13 pm

    يااااااااه

    ربنا يهدينا قصه جميييييله اوووى ومؤثره بس مكنها مش هنا Evil or Very Mad Evil or Very Mad

    مكنها فى قسم القصص Laughing Laughing
    brave_heart
    brave_heart


    المساهمات : 146
    تاريخ التسجيل : 12/07/2009
    العمر : 28
    الموقع : قاعدة ع المنتدى

    تابت بسبب صرصار Empty رد: تابت بسبب صرصار

    مُساهمة  brave_heart الثلاثاء أغسطس 11, 2009 5:05 pm

    احكى يا شهرزاد
    ربنا يخليكى لينا يا ريحانة و تجيبيلنا قصص كمان و كمان
    و بصراحة قصصك كلها جميلة جدا
    عاشقة HAMSA TEAM
    عاشقة HAMSA TEAM


    المساهمات : 134
    تاريخ التسجيل : 12/07/2009
    العمر : 28
    الموقع : قدام الكمبيوتر

    تابت بسبب صرصار Empty رد: تابت بسبب صرصار

    مُساهمة  عاشقة HAMSA TEAM الخميس أغسطس 27, 2009 6:32 am

    ميرسي يا زينب انتى ونادية
    وربنا يخليكوا انتو كمان
    وتجيبولى ردود

      الوقت/التاريخ الآن هو الخميس مارس 28, 2024 7:29 am