فارسات الاسلام

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى بنات مسلمات بجد ونفسهم يوصلوا للناس ان التدين نهر السعادة


4 مشترك

    علاقة البنت و الولد

    brave_heart
    brave_heart


    المساهمات : 146
    تاريخ التسجيل : 12/07/2009
    العمر : 28
    الموقع : قاعدة ع المنتدى

    علاقة البنت و الولد Empty علاقة البنت و الولد

    مُساهمة  brave_heart الثلاثاء يوليو 14, 2009 1:55 pm

    طبعا يا جماعة موضوع زى ده لازم كلنا نتكلم فيه
    بنشوف كتير المنظر ده..............ولد و بنت واقفين ماشين مع بعض ماسكين ايد بعض بيتكلمو...بيضحكوا....الخ
    بيعملوا حجات كتييييييييير اوى
    الموضوع بيبدأ ازاى...ولد بيشوف بنت لأول مرة...بتعجبوايفضل ماشى وراها ....يحاول يكلمها...هى تصده يروح يجيب رقمها من اى حد ...مش هيغلب يعنى
    يكلمها ف الموبايل.....اول مرة هى هتلاقى رقم غريب مش هترد..تانى مرة هترد...
    الو
    الو
    مين معايا
    مش لازم تعرفى..انا واحد معجب بيكى
    معجب بيا انا ... استنى....انت جبت الرقم ده منين؟
    اللى بيحب ....بيجيب الرقم من اى حتة ومن اى مكان و بأى طريقة
    هتروح هى قافلة السكة...يكلمها تانى
    انتى ليه قفلتى ؟
    لو سمحت ماتتصلش بالرقم ده تانى و بطل قلة ادب
    و تقفل السكة ...عاملةنفسها متنرفذة....و من جواها هتطير م الفرحة
    اخيرا لقت واحد معجب بيها و اخيرا حد عبرها....مع ان ف الحقيقة انها مش فارقة معاه اساساكل اللى يهمه انه يوقعها ....هيكلمها تاني هيقولها
    انا عارف ان انتي متضايقه بس والله من ساعه ما شوفتك وانا هموت عليكي ونفسي اتعرف عليكي واتكلم معاكي وما صدقت سمعت صوتك
    ويقعد يتمسكن ويعمل فيها انه جري وراها ومشي اد ايه .... وكلام الحبيبه ده فهيصعب عليها
    هي طبعا هيصعب عليها تقفل السكة ف وشه هتقوله
    طب انت تعرفنى منين
    كلمتين منها على كلمتين منه...هيتعرفوا على بعض.....تليفون .........والتانى ......وخلاص هيتفقوا انهم يتقابلو
    هى طبعا هتبقى خلاص طايرة م الفرحة....لكن هو...........هو هيبقى بالنسباله خلاص وقع البت اللى كان نفسه يوقعها....وبعد ما يتقابلو خلاص مرة .......مرتين .......كام مرة يتقابلو و هو مش فارق معاه
    خلاص هيحس ان الموضوع بقى ممل .......هيروح يدور على بنت تانية يظبط معاها
    يعمل معاها نفس اللى عمله مع اللى قبلها......وهكذا
    و ف النهاية تكون البنت قصاد الشويتين دول خسرت حجات كتير .....وقتها......سمعتها........
    شكلها قدام الناس اللى بيعرفوها و اللى ما بيعرفوهاش
    و تكون خلاص اتعلقت بيه و هو خلاص فاكس فاكس فاكس منها اخر حاجة مش فارقة معاه
    لا هيكون فارق معاه سمعتها ولا اى حاجة بالعكس ده بيبقى كل همه انه يتمنظر بيها قدام صحابه.......عشان يبان انه الواد الجامد اللى البنات بتموت فيه
    ياريت يا بنات تقولولى رأيكو بصراحة ف الموضوع واللى عندها اى تعليق او اى كلام تقوله

    يا بنات انا بس عايزة اقول حاجة ف الاخر .....اوعى تفتكرى ان مادام الولد ده جرى وراها و حاول يكلمها كتير انه كده بيحبها .......لأ...لو هو كان بيحبها مكانش حطها اصلا ف الموقف ده و عمره ما كان هيفكر فيها بالطريقة دى......انه يظبط معاها ........بجد هى لو عايزة تبقى صورتها قدامه كويسة و انها بجد محترمة..... متكلموش اصلا ولا ترد عليه وهو لو بيحبها زى ما هو بيقول هيبقى مبسوط انها مش بتكلمه
    و نصيحة منى ........دايما حطى الموضوع ده قدامك قبل ما تخدى اى خطوة تندمى عليها
    الانسان هيفكر فيكى ازاى ......انك مجرد واحدة عاوز يصاحبها يومين و بعدها يشوف غيرها وانك مش فارقة معاه .....ولا هيفكر فيكى ازاى؟!........
    مستنية ردودكم و ارائكم ع الموضوع ده
    عاشقة HAMSA TEAM
    عاشقة HAMSA TEAM


    المساهمات : 134
    تاريخ التسجيل : 12/07/2009
    العمر : 28
    الموقع : قدام الكمبيوتر

    علاقة البنت و الولد Empty رد: علاقة البنت و الولد

    مُساهمة  عاشقة HAMSA TEAM الأربعاء يوليو 15, 2009 11:28 am

    مشكورة يا زينب يا روحى علي الموضوع الرائع دة بجد بجد رائع وانا مش بجامل وفعلا عندك في كل اللي قلتيه و كل العلاقات اللي بنشوفها او اللي بنسمع عنها كله فعلا بتكون كدة وعمر ما واحد كلم واحدة وكان بيحبها اوعوا اي واحدة تفتكر كدة فعلا لو كان بيحبها مكانش مشى معاها
    بس المشكلة ان في بنات بيكونوا عارفين ومتاكدين ان هو مبيحبهومش وبيعترفوا بكدة وانا بقولهم خافوا على سمعتكوا لان هو لا يمكن يخاف عليها وبيكون معرف كل صحابه ودة طبيعي عشان كدةخدوا بالكوا قبل الضحكة ما تقلب دمعة
    دمعة غدير
    دمعة غدير


    المساهمات : 96
    تاريخ التسجيل : 14/07/2009
    العمر : 28
    الموقع : ع الكرسى

    علاقة البنت و الولد Empty رد: علاقة البنت و الولد

    مُساهمة  دمعة غدير الثلاثاء أغسطس 18, 2009 6:57 am


    عندك حق فى كل كلمه قلتيها
    وانا بشوف بنات اصحابى
    كتير بيعملو كدة وبيبقوا متخيلين
    انهم بيحبوهم وممكن يضحوا بكل
    حاجة علشان خاطرهم
    بس كل دة هبلxهبل
    واساسا دة مش حب
    دة لعب عيال tongue
    ميرسى عالموضوع الجامد دة
    يا قمر
    I love you I love you

    brave_heart
    brave_heart


    المساهمات : 146
    تاريخ التسجيل : 12/07/2009
    العمر : 28
    الموقع : قاعدة ع المنتدى

    علاقة البنت و الولد Empty رد: علاقة البنت و الولد

    مُساهمة  brave_heart الأحد أغسطس 23, 2009 6:15 pm

    ياريت يا اسراء والله كل البنات و الولاد يقتنعو ان مفيش حاجة ف سننا ده اسمها حب لان الطبيعى اصلا اننا ف السن ده مشاعرنا بتبقى متلخبطة و بنجرى ورا اى حاجة هبلة
    و لو فضلنا على اقل حاجة نقول ده حب .......كده مش هنخلص

    و ميرسيه اوى ع الردود يا حبايبى
    قلبى يتمنى الثبات
    قلبى يتمنى الثبات
    Admin


    المساهمات : 210
    تاريخ التسجيل : 09/07/2009
    العمر : 28
    الموقع : فى بيتى

    علاقة البنت و الولد Empty رد: علاقة البنت و الولد

    مُساهمة  قلبى يتمنى الثبات الإثنين أغسطس 24, 2009 5:07 am

    brave_heart كتب:ياريت يا اسراء والله كل البنات و الولاد يقتنعو ان مفيش حاجة ف سننا ده اسمها حب لان الطبيعى اصلا اننا ف السن ده مشاعرنا بتبقى متلخبطة و بنجرى ورا اى حاجة هبلة
    و لو فضلنا على اقل حاجة نقول ده حب .......كده مش هنخلص

    و ميرسيه اوى ع الردود يا حبايبى

    عندك حق والله يازينب فعلا المشاعر بتبقى متلخبطه


    ومفيش حب فى سنن

    خدوها نصيحه منى اى حاجه من ناحيتك لاى ولد دا مش حب دا لعب عيال

    ولما تعقلى كدا هتفضلى تضحكى وتقولى ايه الهبل اللى كنت فيه دا
    brave_heart
    brave_heart


    المساهمات : 146
    تاريخ التسجيل : 12/07/2009
    العمر : 28
    الموقع : قاعدة ع المنتدى

    علاقة البنت و الولد Empty رد: علاقة البنت و الولد

    مُساهمة  brave_heart الإثنين أغسطس 24, 2009 10:59 am

    هههههههههه
    عندك حق يا نادية احنا فعلا لما نكبر مش هنصدق اللى كنا بنعمله و احنا صغيرين
    و على رأى الحاج حسنى...ولا و جع القلب يا قلبى بكره الايام تعدى تضحك و تقول مش معقول انا كنت بعمل كده؟!!

      الوقت/التاريخ الآن هو الخميس مارس 28, 2024 12:53 pm