brave_heart الأحد أغسطس 23, 2009 11:39 am
اولا الموضوع جامد اخر حاجة
ثانيا الاسئلة حلوة جدا وعشان كده انا هرد و من غير كسوف....بس فيه اسئلة ممكن مش الاقيلها اجابة
1 العبارة دى اوجهها لناس كنت فاكراهم مؤدبين و محترمين بس طلعو كدابين و صايعين
2 انا شايفة ان اعتذار الرجل للمرأة ده احترام للذات لانه بيكون حاسس بأهمية الست اللى معاه و شايف انها تستاهل اعتذاره ليها
3 حاليا انا مش شايفة ف حياتى اى قصة حب ولا هشوف لان ده مش الوقت الحقيقى للحب اللى بجد
ولو كان فيه اى حاجة ف هى مش هتتعدى حدود الاعجاب
4 انا شايفة ان الحب الاول دايما بيبقى زى التجربة و بنتعلم منه حجات كتير بس من الناحية العاطفية ف انا دايما ببقى شايفة ان الحب الاول ده بتتطلع فيه كل المشاعر البريئة ومش بيبقى فيه تقل او اى حاجة هبلة كده لانك بتدوقى حجات اول مرة تعرفيها
5 انا هقولك الترتيب اللى طلعلى ف الكويز بتاعك.......العائلة -الاصدقاء-الحياة المهنية-الحب-المال
6 اول قرار هاخدههو....انى اكتب يافتة مكتوب عليهاjust 4 girls ...no boys
7 انا اصلا مليش ف الرسايل الخاصة اوى بس بصراحة انا ببعت اكتر ما بيتبعتلى
8 انا رأير ف الغيرة انها حاجة طبيعية جدا ان الواحد يغير على اللى بيحبه...لانه بيحس ان الانسان اللى هو بيحبه انشغل عنه بناس تانيين عشان كده بيتكون الغيرة حاجة طبيعية والا مايكونش بيحبه لو مغارش عليه حتى لو كان فيه ثقة
9 اقول لاى حد يظلمنى حسبى الله و نعم الوكيل لان محدش ف الدنيا هيقدر يجيبلى حقى غير ربنا سبحانه و تعالى
10 سر اول مرة اقولهولكو.....ممممم..مش فاكرة اصلى عندى اسرار كتير...بس تقريبا هو انى بحس انى عمر ما حد هيحبنى بجد يعنى لو حد قاللى انه بيحبنى ببقى عارفة و متأكدة انها مش من قلبه او انه مش هيحبنى حب ابدى
بيبقى مجرد كلمة بتتقال مع انى بكون مصدقاها جدا و بحبه ع الاساس ده
11 النقد الوحيد لكاتب الموضوع انه بيزعل كتير من غير سبب وجيه و بيزعل اكتر لما مواضيعه مش بتترد عليها و احب اقوله انى و الله العظيم بموووت فيه و ان المواضيع اللى مش بتترد عليها مش بتظهر عندى
12 بالنسبة لكلمة منقول مش بتزعجنى خالص لان حتى لو الموضوع مش بتاعى ف انا نقلته عشان عجبنى و حبيت ان بقيت الناس تستفيد منه
13 انا على فكرة مبحبش اربى حيوانات خالص مش عارفة ليه بس بالنسبة للحيوانات الاليفة ف انا بعشق الكلاب...و مش عايزة حد يتريأ عليا و يقول عشان انتى شبههم لانى سمعت الكلمة دى كتير
14 كتاب حياتى يا عين ..ما شفا زيه كتاب...الفرح فى سطرين ..والباقى كله عذاب..عذاب ..عذاب...هههههههههه
15 الشخص اللى انا بفتقده و هفتقده مدة طويلة اوى ..هى حبيبة قلبى هند
16 بالنسبة للقرار ف هو قرار خدته بقالى مدة طويلة جدا و لسه اثره منتهى بقاله مدة قصيرة جدا..هبقى اقولكو عليه بعدين عشان الفضايح
17 اطبق المقولة بتاعة لا اسمع لا ارى لا اتكلم لما بكون بتعاكس وبالذات من ناس اعرفهم
18 اولا السؤال بتاع النصايح ده سؤال عجيب جدا ..يعنى هو المنتدى فيه كام عضو عشان اختار منهم خمسة..و بعدين انا مش حكيم الزمان عشان اعد اديهم ف نصايح!!!
19 اما بقى عن اكتر حاجة بتحرجنى و ف نفس الوقت بتزعلنى جدا هو ان حد يقولى ملكيش دعوة او انتى مالك سواء كان الحد ده قريب منى او لا
20 اما بقى بالنسبة لالة الزمن اللى انتى عايشة فيها دى يا اسراء ف لوانهارده او امبارح اتعاد تانى ...الحاجة اللى هعملها تانى هى قراءة القران و الحاجة اللى مش هكررها تانى انى مزعقش لدعاء و لا لماما بس دعاء بالذات
21 انا لاحظت حاجة على عضوتين وهى نفس الحاجة واحدة اسمها نادية ممدوح انا معرفهاش....والتانية واحدة كده صحبتنا اول حرف من اسمها اسراء و الحاجة بقى هى ان ضحكتهم حلوة جدا و بحب اسمعها اوى بجد منهم هما الاتنين
22 الحاجة اللى حصلت بجد ف حياتى و غيرتها اوى هى انى عرفتكو...والله بجد
23 الكلمة اللى بتمنى اسمعها كل يوم ...هى مش كلمة بتتقال بس هى بتتحس وبتبان ف العيون اكتر ما بتبان على الشفايف..وانا شخصيا بتمنى فعلا ان كل اللى بحبهم يقولوهالى او يحسوها زى مانا بحسها....اكيد طبعا عرفتوها ايه الذكاء ده
24 طبعا جنس كاتب الموضوع مأثر عليا و الا مكنتش رديت و كتبت كل ده لحد ما ايديا ورمت